العصفورة نيوز موقع إخبارى نسائى
مقالات مشابهة
تركيبات الألوان اللي ممكن تلبسيها مع بعض كتيرة جدا ومالهاش حدود، خصوصا ان التريندات في اللبس بتتغير كل يوم و دايما بيظهر تريند جديد سواء في الألوان أو الستايلات وحتى الخامات والتنسيقات،، عشان كده مهم تبقي عارفه ازاي توفقي بين القطع املختلفة عشان تعملي ستايلات مختلفة ومتجددة دايما و تبقى على طول على الموضة، في المقال ده هنقولك على شوية أفكار تلهمك لستايلاتك الجاية..
في الأول لازم نقولك على شوية قواعد عامة هتساعدك كتير في أي ايل تحبي تعمليه وهوانك مهم دايما تختاري الدرجات اللي بتناسب درجة لون بشرتك ، بالضبط زي ما بتختاري اللون المناسب ليكي ممن الكونسيلر أو الفاونديشن، قاعدة بسيطة هى ان الألوان الفاقعة والفاتحة هتخلي شكل جسمك يبان أكبر بعكس الدرجات الألوان الهادية والغامقة زي الكحلي ودرجات البني المتوسطة ودرجات الأسود و الجراي.
أما لو حابة تباني أطول يبقى أعملي لوك من لون واحد وخصوصا لو كنتى من أصحاب البشرة الفاتحة بأي لون تفضليه ، لكن برضه حاولي تتجنبي الألوان المبهرجة أو الفاقعة.
أما بخصوص ستايلك في الشتاء فالموضوع كله بيتوقف على انك توفقي قطع مختلفة مع بعضها، خصوصا اننا في الشتاء بنلبس أكتر من طبقة فمهم انك تختاريهم متناسقين ولايقين على بعض ، جربي تمزجي ألوان زي الأسود و الجراي مع ألوان النيود مع درجات تانية غامقة من الأزرق أو الأخضر عشان تعملي لوك شتوي منعش وهادي في نفس الوقت.
ممكن كمان عشان تعرفي تنسقي لبسك إزاي في الشتاء تجربي تلبسي ألوان جرية وواضحة زي البرجاندي أو النبيتي والماورن و المستردة عشان تعملي لوك واضح وجرئ لكن في نفس الوقت شيك، جربي تلبسي اللون الجملي مع النبيتي عشان تعملي لوك مفاجئ وجديد.
ممكن كمان تلبسي جاكت أو بالطو جملي أو رصاصي مع جينز و under shirt بلون مناسب عشان تعملي لوك راقي جدا وبسهولة ، ممكن تلبسي تحت البالطو بلوفر برقبة عالية، الستايل ده مناسب للشغل والاجتماعات المهمة ، جربي تلبسي جاكت بلو ن army green مع جينز أزرق.
