العصفورة نيوز موقع إخبارى نسائى
مقالات مشابهة
أطلقت الإعلامية والكاتبة الدكتوره رشا الجندي صاحبة اطول رسالة سلام للعالم مبادرة بعنوان ( الدنيا لسه بخير )، وهذا جاء فور مشاهدتها لخبر وفاة سيدة بالمحلة متجمدة من شدة البرد.
في إطار ما سبق نشرت الجندي على صفحاتها بمواقع التواصل الاجتماعي صورة هذه السيدة وكتبت حرفياً ( يا ربي انا حاسه انه حلم مش حقيقة !! معقول !! ازاي هيجيلنا نفس ننام ونتدفى بعد كده !! كام واحد مر عليها وهي ماده أيديها او في موقفها ده وطنش وقال ان الشحاتين دول معاهم ملايين وبيكذبوا !! كام واحد مر عليها وما فكرش حتى يسألها ايه حكايتها !! ليه اللي بيحتاج مش بيطلب المساعدة من اللي حواليه ؟!! هل يا ترى طلبت وفقدت الامل في الخير في الناس فاستسلمت؟!! ام ان ايه اللي وصلها للصمت .. فين الرحمة لكبار السن ؟! دي حتى لو انها كانت مش محتاجة كان لازم نكرمها !!
ليس بايدينا ان يحيا العالم في سلام .. ولكن بايدينا ان يسلم من حولنا من شر أنفسنا وألسنتنا وأفعالنا .. فنشر السلام بدائرة معارفك الصغيرة هو القوة الحقيقية لمواجهة دائرة العنف العالمية الكبيرة ..
#رشا_الجندي #علم_نفس_الواقع
#مبادرة_الدنيا_لسه_بخير)
وفور ذلك سرعان ما نشرت أيضاً ( #مبادرة_الدنيا_لسه_بخير
اللي عنده اَي مشكلة مهما كان نوعها او يعرف حد عنده اَي مشكلة مهما كان نوعها ونفسه يحس ان الدنيا لسه بخير يبعتلي على الخاص .. أوعدكم هاشوف كل رسائلكم .. مش شرط يكون الحل في ايدي ولكن على الأقل هاوصلك بالانسان اللي ممكن يكون في أيديه مساعدتك .. ما تتكسفوش تطلبوا المساعدة .. مش عيب .. الدنيا لسه بخير .. اَي حد محتاج وصلوه بيا ابعتولي التفاصيل على الخاص ..
#رشا_الجندي
#اطول_رسالة_سلام_للعالم
#الدنيا_لسه_بخير)..
وفِي إطار ما سبق دعت الجندي كل رجال الاعمال والفنانين والاعلاميين وكل انسان لمحاولة التعاون مع المبادرة لإعادة احياء الانسانية في النفوس..
