الرئيسية / أخبار / هل ممكن تلبسي الجاكيت الجلد في الصيف؟
جاكيتنمسينشسي

هل ممكن تلبسي الجاكيت الجلد في الصيف؟

لو في قطعة واحدة من الملابس هتبقى اساسية في دولابك هيكون هو الجاكيت الجلد, لكن هل ممكن تلبسي الجاكيت الجلد في الصيف؟ النهاردة هنكتشف مع بعض قواعد ونصايح لبس الجاكيت الجلد في فصل الصيف, وافكار بالصور ازاي تلبسيه.

الجاكيت الجلد زي ما قولنا هو واحد من القطع الاساسية في دولابك, بس هل مقبول انه يتلبس خلال فصل الصيف, وهل هتتحمليه خلال حرارة الجو؟ او هتحسي ان اللوك بتاعك غير مألوف واللي حواليكي هيبقوا مستغربينه!

لو انتي من عشاق لبس الجاكيت الجلد, في بعض الطرق البسيطة اللي تقدري تدمجي بيها الجاكيت الجلد مع قطع صيفي من دولابك من غير ما تحسي بالحر منه او يضايقك.

نصايح وقواعد لبس الجاكيت الجلد في الصيف:
1- اول حاجة لو هتلبسي جاكيت جلد في الصيف من غير ما تحسي بالحر, الافضل تختاري الجاكيت الجلد الخفيف, في كتير من التصاميم اللي بتكون خفيفة ومنها ألوان كتير عشان تناسب فصل الصيف, الالوان الفاتحة هتكون مناسبة جدا لو هتلبسيه في الربيع او في الصيف.
2- تاني حاجة لازم تحطيها في الاعتبار لما تيجي تختاري التصميم اختاري موديل الجاكيت الجلد المخرم عشان يسمح للهوا انه يدخل ومتحسيش بالحر.

3- اختيار الملابس المناسبة اللي هتلبسيها تحت الجاكيت الجلد ضروري جدا, لان اكيد الجينز التقيل والبوت ده مناسب للشتا بس, عشان كده حاولي تنسقي تحته خامات اقمشة خفيفة جدا, تعتبر الفساتين الـ Floral الصيفي, الجينز الفاتح او الابيض, الشورتات والجيبات تعتبر اختيارات مثالية جدا تلبسيها تحت الجاكيت الجلد في الصيف.

4- الميزة في الجاكيت الجلد انه ممكن يتلبس على اي قطعة عندك في الدولاب, سواء كنتي رايحة الشاطيء ولابسة حاجة مطبوعة او لابسة جيبة قصيرة او شورت, هتقدري تنسقي عليها الجاكيت الجلد بكل سهولة وهيطلع اللوك حلو جدا.

الفكرة اكيد جديدة ومختلفة وهتبقى غريبة على اللي حواليكي, انك تلبسي الجاكيت الحرارة وحرارة الجو 30, لكن لو مشيتي على النصايح اللي قولناها واختارتي الجاكيت الجلد الصح هيبقى زي اي جاكيت او بليزر صيفي عادي.

شاهد أيضاً

رقصفغ

أقنعة المرأة في رواية «يطالبني بالرقصة كاملة»

كم هو صعب جدا على الرجل سبر أغوار الأنثى وما يجتلد في خاطرها، فإن قيل …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Powered by moviekillers.com